豬嘜

每年中秋節，又系個仔交燈籠功課嘅時候，佢呢個功課其實就等于系我嘅功課，真系冇陰功。自從舊年吃到甜頭，今年佢仲更加依賴我，真系生子難，教子更加難，我真系教子無方！

舊年做咗個環保孔雀燈籠，今年冇乜idea，但系都想以環保為主。點知稔稔下，居然做咗個豬嘜出嚟。哈哈！仲一個無覺意又拿到5年班嘅第二名，二奶命，哈哈！！真系笑死。得獎原因我稔系尼只豬嘜有點創意呱，再唔系就系班上啲同學都冇交功課。

尋日啊仔帶只豬嘜返嚟，好唔爽咁話，今年獎杯都冇只，只有掌聲。哈哈！！今年學堂冇舉辦中秋晚會（因為H1N1而取消），唔知系咩呢個緣故，所以連獎杯都冇得分叻。冇所謂啦，尼次得到第二都系意外之中嘅意外，何需掛齒！